ଖୋଜିବ ତୁମେ ଖୋଜିବ

ହଜିଯିବି ମୁଁ ଯେଦିନ
ଖୋଜିବ ସେଦିନ ମୋତେ ଖୋଜିବ II
ଅସ୍ତ ଯାଉଥିବା ସନ୍ଧ୍ୟାତାରା କୁ
ମୋ ଖବର ପଚାରି ବୁଝିବ,
ପ୍ରତିଛବିକୁ ମୋହର ଛାତିରେ ଚାପି
କାନ୍ଦିବ ତୁମେ କେତେ କାନ୍ଦିବ ll
ଖୋଜିବ ଯଦି କାନନ ଗିରି
ସାଗର ଆକାଶ ମଳୟ ଚିରି
ପାଗଳୀ ଭଳି ଘୁରିବ ll
ରାତି ଅଧରେ ସ୍ବପ୍ନ ଦେଖି
ଯେବେ ଚମକି ଉଠିବ
ତୁମ ଦେହ ସହ ମୋ ଦେହର
ପରଶ ତୁମେ ପାଇବ ll
ଶୁନ୍ୟ ଶର୍ଯ୍ୟା ମିଥ୍ୟା ସପନ
ଦେଖି ମନେ ମନେ ହେଜିବି
ବେଦନାରେ ତୁମେ ଅସ୍ଥିର ହୋଇ
ଖୋଜିବ ତୁମେ ଖୋଜିବ  ll
ଆଶ୍ଵିନ ମଳୟ ଶିଶିର ଛୁଆଁ ରାତ୍ରି
ପୁଣି ଯେବେ ଆସିବ
ରହିଥିବେ ସଭିଏଁ ନଥିବି ମୁହିଁ
ମରଣ ପଥର ଯାତ୍ରୀ ll
ପାଖରେ ଥିବେ ବନ୍ଧୁ ପରିଜନ
ପ୍ରିୟଜନ ଖାଲି ନଥିବ
ଆଖି ତୁମ ଖାଲି ଖୋଜି ବୁଲୁଥିବ
ମନେ ମନେ କେତେ ଖୋଜିବ ଲଲ
ଖୋଜିବ କେତେ ଖୋଜିବ .......

 ବିଦ୍ୟୁତ କୁମାର